ວັນທີ 10 ກັນຍາ 2021 ນີ້. ຢູ່ທີ່ຫ້ອງປະຊຸມຫ້ອງການຊັບພະຍາກອນທຳມະຊາດ ແລະສິ່ງແວດລ້ອມເມືອງຊານໄຊ. ໄດ້ຈັດພິທີປະກາດການຈັດຕັ້ງພະນັກງານດຳລົງຕຳແໜ່ງຫົວໜ້າ ແລະຮອງຫົວໜ້າໜ່ວຍງານ ທີ່ຂຶ້ນກັບຫ້ອງການ ຊສ ເມືອງຊານໄຊ. ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ຫັດສະໄນ ສີບຸນເຫຼືອງ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ມີທ່ານ ຄຳເຄັງ ແກ້ວບົວພາດ ຫົວຫນ້າຫ້ອງການພາຍໃນເມືອງ, ມີທ່ານທ່ານຫົວໜ້າ-ຮອງຫົວໜ້າຫ້ອງການ ຊສ ເມືອງ, ແຂກຖືກເຊີນ ຕະຫຼອດຮອດພະນັກ ງານວິຊາການພາຍໃນຫ້ອງການ ຊສ ເມືອງດັ່ງກ່າວເຂົ້າຮ່ວມ.
ໃນພິທີຕາງຫນ້າຄະນະຈັດຕັ້ງເມືອງ ກໍ່ໄດ້ຜ່ານຂໍ້ຕົກລົງຂອງທ່ານເຈົ້າເມືອງ ສະບັບເລກທີ 383/ຈມຊຊ ລົງວັນທີ 19 ກໍລະກົດ 2020 ວ່າດ້ວຍການຍຸບເລີກ 3 ໜ່ວຍງານ ແລະສ້າງຕັ້ງເປັນ 2 ໜ່ວຍງານຂອງຫ້ອງການ ຊສ. ຈາກນັ້ນກໍ່ໄດ້ຜ່ານຂໍ້ຕົກລົງຂອງທ່ານເຈົ້າເມືອງສະບັບເລກທີ 373/ຈມຊຊ ລົງວັນທີ 8 ກໍລະກົດ 2021 ວ່າດ້ວຍການແຕ່ງຕັ້ງພະນັກງານດຳລົງຕຳແໜ່ງຫົວໜ້າ ແລະຮອງຫົວໜ້າໜ່ວຍງານຄື: ແຕ່ງຕັ້ງ ທ່ານ ບຸນຍົບ ບຸດດາທົນ ເປັນຫົວໜ້າໜ່ວຍງານບໍລິຫານ, ທ່ານ ຄຳໄຕ ນາມມະວົງ ເປັນຮອງ, ແຕ່ງຕັ້ງທ່ານ ຄຽງຄຳ ແກ້ວມະນີ ເປັນຫົວໜ້າໜ່ວຍງານວິຊາການ, ແຕ່ງຕັ້ງທ່ານ ແກ້ວຕາ ລາດສະວົງ ແລະທ່ານ ບຸນທຳ ສົມຊະນະ ເປັນຮອງ.