ວັນທີ 22 ກຸມພາ 2022 ນີ້.ຢູ່ທີ່ຫ້ອງປະຊຸມຂອງພະແນກ ຊສ ແຂວງອັດຕະປື ໄດ້ຈັດພິທີເຜີຍແຜ່ຂໍ້ຕົກລົງ ແລະຄູ່ມືການຕິດຕາມກວດກາຊັບພະຍາກອນທຳມະຊາດ ແລະສິ່ງແວດລ້ອມ. ໂດຍພາຍໃຕ້ການເປັນປະທານຂອງທ່ານ ສຸກວິໄລ ພອນສາຣະແສນ ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ທັງເປັນຜູ້ຊີນຳວຽກງານດັ່ງກ່າວ. ມີບັນຫົວໜ້າ ຮອງຫົວໜ້າຂະແໜງການ ຕະຫຼອດຮອດພະນັກງານວິຊາການຂະແໜງສິ່ງແວດລ້ອມ, ນ້ຳ ອຸຕຸນິຍົມ ແລະອຸທົກກະສາດຂອງພະແນກ ຊສ ແຂວງ ແລະຫ້ອງການ ຊສ 5 ຕົວເມືອງເຂົ້າຮ່ວມ.

 

 

ວັນທີ 01 ມີຖຸນາ 2022 ຢູ່ທີ່ຫ້ອງປະຊຸມຂອງພະແນກ ຊສ ແຂວງອັດຕະປື ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານຮອບດ້ານປະຈຳປີ 2021 ແລະທິດທາງແຜນການປີ 2022 ຢ່າງເປັນທາງການ ໂດຍພາຍການເປັນປະທານຂອງທ່ານ ທະນູໄຊ ບັນຊາລິດ, ກຳມະການປະຈຳພັກແຂວງ, ຮອງເຈົ້າແຂວງອັດຕະປື, ທ່ານ ຫັດສະໄນ ສີບຸນເຫຼືອງ, ກຳມະການພັກແຂວງ, ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ, ມີບັນດາທ່ານຫົວໜ້າ-ຮອງຫົວໜ້າຈາກພະແນກການອ້ອມຂ້າງແຂວງຈຳນວນໜຶ່ງ, ທ່ານເຈົ້າເມືອງ-ຮອງເຈົ້າເມືອງ ທັງ 5 ເມືອງ, ທ່ານຮອງຫົວໜ້າພະແນກ ຊສແຂວງ, ບັນດາຫົວໜ້າຫ້ອງການ ຊສເມືອງ ຕະຫຼອດຮອດຫົວໜ້າ ຮອງຫົວໜ້າຂະແໜງ-ຮອງຫົວໜ້າຂະແໜງ ແລະ ພະນັກງານລັດຖະກອນພາຍໃນພະແນກເຂົ້າຮ່ວມ.

 

ໃນວັນທີ 7 ກຸມພາ 2022 ຢູ່ທີ່ຫ້ອງປະຊຸມຂອງພະແນກ ຊສແຂວງ ໄດ້ຈັດເຝິກອົບຮົມວຽກງານຂຶ້ນທະບຽນອອກໃບຕາດິນ ຢູ່ເມືອງສາມັກຄີໄຊຂຶ້ນຢ່າງເປັນທາງການ. ໂດຍການເປັນປະທານຂອງທ່ານ ເພັດມີໄຊ ຄຳພັກດີ ກຳມະການປະຈຳພັກແຂວງ, ເລຂາພັກເມືອງ, ເຈົ້າເມືອງໆສາມັກຄີໄຊ, ມີທ່ານ ຫັດສະໄນ ສີບຸນເຫຼືອງ ກຳມະການພັກແຂວງ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ. ມີບັນດາວິທະຍາກອນຈາກກົມທີ່ດິນ, ກະ ຊວງຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມດ້ວຍພະນັກງານຂະແໜງທີ່ດິນ, ບັນດາຫ້ອງການ ຊສ ເມືອງ ເຂົ້າຮ່ວມເຝິກອົບຮົມ.

 

 

ວັນທີ 1 ກຸມພາ 2022 ນີ້.ຢູ່ທີ່ຫ້ອງປະຊຸມຂອງພະແນກ ຊສ ແຂວງ ໄດ້ຈັດກອງປະຊຸມທາງໄກຜ່ານລະບົບວີດີໂອຄອນຟາເລັນຮ່ວມກັບກົມທີ່ດິນກະຊວງຊັບພະຍາກອນທຳມະຊາດ ແລະສິ່ງແວດລ້ອມ, ກະຊວງພະລັງງານ ແລະບໍ່ແຮ່, ກະຊວງກະສິກຳ ແລະປ່າໄມ້, ກະຊວງແຜນການ ແລະການລົງທຶນ, ກະຊວງການເງິນ ແລະພະແນກຊັບພະຍາກອນທຳມະຊາດແລະສິ່ງແວດລ້ອມຂອງແຂວງຜົ້ງສາລີ ກ່ຽວກັບການຝຶກອົບຮົມການຂຶ້ນບັບຊີ ແລະການປະເມີນຄຸນນະພາບໂຄງການເຊົ່າສຳປະທານທີ່ດິນລັດ ແລະການນຳໃຊ້ລະບົບຖານຂໍ້ມູນ LCIS ແລະປຶກສາຫາລືຜົນການກວດກາຂໍ້ມູນໂຄງການເຊົ່າ ແລະສຳປະທານທີ່ດິນຂອງລັດ. ໂດຍພາຍໃຕ້ການເປັນປະທານຂອງທ່ານ ພູນສະວັດ ສຸພິດາຮອງຫົວໜ້າກົມທີ່ດິນ , ທ່ານ ຫັດສະໄນ ສີບຸນເຫຼືອງ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ. ແຂກຖືກເຊີນຈາກຫ້ອງວ່າການປົກຄອງແຂວງ, ພະແນກການເງິນແຂວງ, ພະແນກພະລັງງານ ແລະບໍ່ແຮ່, ພະແນກການເງີນ, ພະແນກກະສິກຳ ແລະປ່າໄມ້, ພະແນກແຜນການແລະການລົງທຶນແຂວງ ຕະຫຼອດຮອດພະນັກງານວິຊາການຂະແໜງທີ່ດິນພະແນກ ຊສ ແຂວງເຂົ້າຮ່ວມ.

 

 

ໃນຕອນເຊົ້າຄັ້ງວັນທີ 7 ເດືອນມັງກອນ ປີ 2022,ເວລາ 8:30 ນາທີ, ຢູ່ທີ່ຫ້ອງປະຊຸມສະພາປະຊາຊົນແຂວງ ອັດຕະປື

ໄດ້ເປີດກອງປະຊຸມຜ່ານຮ່າງແຜນຈັດສັນທີ່ດິນ,ການຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ແບບຮອບດ້ານຂອງແຂວງອັດຕະປື,ໂດຍໃຫ້ກຽດເປັນປະທານຂອງທ່ານ ນາງ ມີນາພອນ ໄຊສົມພູ ປະທານສະ ພາປະຊາຊົນແຂວງ, ເຊິ່ງມີຜູ້ເຂົ້າຮ່ວມທັງໝົດ 46 ຄົນ, ຍິງ 14 ຄົນ ທີ່ມາຈາກຂະແໜງການທີ່ກ່ຽວຂ້ອງ ແລະ ບັນດາທ່ານ ສສຂ ຢ່າງພ້ອມພຽງ.

Subcategories